Fronti i luftës kundër COVID ka regjistruar sot një tjetër fitore.
Në 24 orët e fundit në vendin tonë është regjistruar vetëm një rast i ri me COVID nga 1542 testime të kryera në total. Është fjala për një qytetar nga Shkodra.
Ndërkohë në 24 orët e fundit është shënuar një viktimë. Një 83-vjeçar nga Tepelena i cili po merrte trajtim mjekësor në spital nuk e ka fituar dot betejën me këtë sëmundje.
Aktualisht janë 107 pacientë aktivë me Covid19 në vend. Po marrin trajtim spitalor të specializuar 3 pacientë, nga të cilët 2 pacientë janë në terapi intensive.
Në 24 orët e fundit janë shëruar 11 qytetarë, duke e çuar numrin e të shëruarve në 129,929 që nga fillimi i epidemisë.
