“Fiks Fare” historikisht ka mbledhur si velina disa nga vajzat më të bukura të ekranit shqiptar, prandaj nuk është çudi që balerinat përveç talentit të tërheqin shumë vëmendje edhe jashtë emisionit me pamjen e tyre.
Një nga velinat aktuale të programit investigativ, Regisa Koxhaj, ishte mbrëmjen e djeshme e ftuar në “Top Arena”, që i dedikohet Kampionatit Europian 2021. Përballë Antonela Berishaj, ajo foli edhe për ngacmimet nga VIP-at.
Duke qenë se Regisa ka marrë pjesë edhe në shumë prej koncerteve të mëdha të këngëtarit të mirënjohur, Capital T, ish-konkurrentja e “Për’puthen” e pyeti bukuroshen brune nëse reperi e ka ngacmuar.
Pa komplekse Regisa u përgjigj shkurt “jo”, duke theksuar se është zgjedhur për të qenë pjesë e skenës për shkak të talentit të saj.
“Talenti im bëri që të isha në atë skenë, aty mund të ishte kushdo që mund të këndonte”, tha ajo.
