Fatmirësisht vendi ynë tashmë nuk është më në zonën e kuqe sa i përket incidencës së pandemisë të Covid-19.
Procesi i vaksinimit në Shqipëri vazhdon pa probleme dhe disa ekspertë kanë konfirmuar se jemi çdo ditë më pranë imunizimit të tufës. Kjo do të thotë se pjesa më e madhe e shqiptarëve e kanë kaluar virsun por që gjithashtu kanë shfaqur pasoja në disa aspekte.
Së fundi tregohet një numëri i shtuar të rasteve me probleme apo humbje dëgjimi tek pacientët që kanë mbartur virusin. Këtë fakt e konfirmon mjekja otorinolaringologe, Evelina Cenalia e cila thotë:
“Covid 19-ta ka prekur veshin e mesëm dhe pjesën e veshit të brendshëm, që ka prekur si nervin e dëgjimit ashtu edhe të ekuilibrit. Ndonjëherë të dy, ndonjëherë veçant. Rastet më të shumta kanë qenë me dëmtime të nervit të dëgjimit.
Pacientët që paraqiteshin shpejt, pa humbur kohë, brenda 3-4 ditëve dhe u është dhënë mjekimi i duhur, e kanë rikuperuar shumicën e dëgjimit. Moshat mbi 25 vjeç e kanë pasur më të vështirë rifitimin e dëgjimit postcovid 19. Kemi pacientë që kanë humbur mbi 80% të dëgjimit ose nuk dëgjojnë. Zakonisht ka prekur njërin vesh. Të rralla janë rastet kur janë prekur të dy veshët.”