Pa ‘iu dridhur fare qerpiku’, Genc Pollo filmon votën për kreun e PD në mes të Tiranës! (Video)

209

Fotografimi apo filmimi i votës për ta shfaqur më pas tek persona të tjerë është një dukuri që ka ndodhur ndër vite në Shqipëri.

Edhe në zgjedhjet për kryetarin e PD, ky fenomen nuk ka munguar, ku një prej figurave të rëndësishmë të opozitës është kapur nga gazetarët teksa filmon votën.

Siç mund ta shihni në këtë foto, Genc Pollo ka plotësuar fletën e votimit për kandidatin e tij të preferuar, nga katër që garojnë për postin e kreut të PD-së, dhe më pas e ka fotografuar atë.

Nëse do të bëhej fjalë për votimin në zgjedhjet parlamentare apo lokale, filmimi i votës do të ishtë një vepër penale.

Sipas ndryshimeve në ligj, fotografimi apo filmimi i votës, që ta shfaqësh më vonë tek persona të tjerë konsiderohet vepër penale dhe dënohet nga 3 muaj deri në 3 vite burgim.