Shembjen e ndërtimeve pa leje në prag të sezonit turistik analisti Mustafa Nano e ka cilësuar si një “lëvizje budallaqe” të qeverisë.
Nano tha se nuk është hera e parë që kjo ndodh në prag të sezonit turistik, ndërkohë që shtoi se shembja e ndërtimeve do të krijojë gërmadha dhe do të prishë bukurinë e natyrës.
Intervista e Mustafa Nanos në MCN TV:
Nano, qeveria nis së shpejti një tjetër operacion për shembjen e ndërtimeve pa leje në bregdet, duke paralajmëruar ndeshkim te forte ligjor për ata qe kane abuzuar. Shteti duket sikur tregon dhembet me fushata, nuk bën atë që ka për detyrë parandalimin?!
Nano: Nuk jam i informuar për çfarë ndërtimesh pa leje bëhet fjalë, për ato të 8 viteve apo në kohë. Do jetë më mirë ta parandalojnë nëse janë ndërtesa të 8 viteve. Por kam përshtypje që janë ndërtime të hershme. Ajo që kam vënë re pse e bëjnë në prag të sezonit turistik, më duket lëvizje budallaqe. Do vijnë të huajt dhe do shohin përveç bukurisë së natyrës edhe një gërmadhë.
