Pas largimit nga politika, ish-kryeministri Fatos Nano ka zgjedhur të mbajë një nivel të ulët publik.
Vazhdimisht ai është siguruar që jeta e tij private mos të bëhet pjesë e mediave.
Por vetëm para pak ditësh qarkulloi me shpejtësi një video ku Nano shfaqej në një karrige me rrota duke u futur në ambientet e një spitali privat, teksa shoqërohej nga bashkëshortja e tij, Xhoana.
Ndërkohë sot ai është filmuar duke hyrë në zonën VIP të aeroportit të Rinasit, sërish bashkë me të shoqen.
Siç shihet dhe nga pamjet Nano është në gjendje të mirë shëndetësore, në ndryshim nga video e fundit që qarkulloi, ku ish-kreu i socialistëve shihej të ecte në një karrige me rrota në një spital privat.
Nuk dihet ende se cili është destinacioni i Nanos, dhe as nëse ky udhëtim i tiji lidhet me çështje të shëndetit, ndërkohë që menjëherë sapo kanë parë praninë e kamerës, shoqëruesit e tij kanë kërkuar që të mos filmohej.