Ishin një çift shumë simpatik dhe i pëlqyer nga publiku, të cilët edhe pse patën shumë zënka dolën së bashku nga “Për’puthen”. Megjithatë, menjëherë pas daljes së tyre ata bënë publike ndarjen, gjë që i bëri habi të gjithëve.
Shkak për ndarjen e tyre u bë pjesëmarrja e Andit në klipin “Sheqer” të këngëtares së njohur Diona Fiona. Jasmina nuk ka ngurruar asnjëherë ta shfaqë xhelozinë e saj në publik për këtë çështje.
Së fundmi,të dy ishin prezentë në festën e gjithë konkurrentëve të “Për’puthen” me rastin e përmbylljes së programit. Dhe pse pas ndarjes, kur në sfond është vendosur kënga “Sheqer” dhe të gjithë po e kërcenin, Jasmina heq këngën e Dionës nga podiumi i DJ, duke i lënë të gjithë të habitur.
Epo, mesa duket Jasmina nuk paska hequr ende dorë nga Andi… ose vazhdon të mbajë inatin ndaj Dionës.