Sinoptikanët zbulojnë se deri kur do të vazhdojnë reshjet, të shtunën moti bën kthesën e madhe

316

Të mërkurën pritet përmirësim i pjesshëm i motit. Priten edhe intervale kohore me diell, por edhe vranësira të cilat vende-vende mund të sjellin reshje afatshkurtra shiu. Rritje pak më të ndjeshme të temperaturave pritet të ndodhin ditën e enjte, kur do të kemi edhe intervale kohore me diell, megjithatë në fund të ditës ose gjatë ditës së premte një tjetër ciklon nga Mesdheu dhe front mjaft i fuqishëm i ftohtë nga veriu përfshin rajonin tonë.

- PUBLICITET -

Meteoballkan bën me dije se të premten përsëri do të kemi ulje të ndjeshme të temperaturave dhe reshje shiu pothuajse në gjithë rajonin. Në viset malore reshje bore. Nga e shtuna do të fillojë përmirësimi gradual i motit dhe reshjet e shiut do të fillojnë të tërhiqen nga rajoni dhe si pasojë dita e fundit e kësaj jave pritet të na sjell stabilizim të plotë të motit dhe ngritje të ndjeshme të temperaturave.

Sipas ecurive aktuale nga e diela mund të kemi disa ditë të ngrohta pranverore dhe të shpresojmë që kjo të mos ndryshojë.

- PUBLICITET -