Kryeministri Edi Rama nga Shkodra, gjatë një takimi që ka bërë me qytetarët, ka thënë se para se të vinte në qytet, dy persona që sipas tij ishin qerosë dhe mbi 200 kg i kanë thënë ‘Rama ik’.
Por mesa duket Rama është revoltuar nga fjalët e qytetarve, ku nga sheshi ka thënë se ata kishin nevojë për pak fiskulturë pasi sipas tij i kishte mbytur kolesteroli.
“Para se të vija këtu nja dy qerosë si unë, po nja 200 kg më shumë dhe më thanë ‘Rama ik’ se nuk i duam komunistat. Unë s’pata mundësi t’i them që të fillojnë të bëjnë pak fiskulturë se i kishte myt kolesteroli. I kishte vënë poshtë dhjami. I ishte bërë qafa si tre palë minare. Kjo është PD? Kjo është Shkodra që doni ju? Jo ju që jeni këtu se nuk po flas me ju, po flas me ata që luftojnë komunizmin akoma. Po flas me ata që i shtrojnë rrugët e sheqerit Lulit”, tha Rama.
