Anduena Qefalia, kandidatja e Partisë Demokratike në Tiranë, ka habitur rrjetin kur në një postim në rrjete sociale, bën me dije se ka hapur një llogari bankare ku i kërkon njerëzve që ta ndihmojnë me para që ajo të futet në parlament.
Të shumtë kanë qenë komentuesit të cilët kanë shkruar se si është e mundur.
Statusi
“I/e dashur mik/e! Unë jam duke garuar në zgjedhjet e ardhshme për Kuvendin e Shqipërisë. Për herë të parë, një grua myslimane praktikante do të ulet në karrigen e ligjvënësit, në institucionin më të lartë të vendit.
Që zëri ynë të dëgjohet nga çdokush që do të donte të përfaqësohej nëpërmjet kandidaturës time, është e rëndësishme të bashkojmë energjitë dhe kapacitetet tona.
Prandaj më nevojitet ndihma juaj për ta përmbushur me sukses këtë mision!
Për të më mundësuar këtë rrugëtim, për të ngritur/forcuar zërin tonë në parlament në dobi të komunitetit tonë, mirëpres mbështetjen tuaj në llogarinë bankare më poshtë:
Banka: Credins Bank
Mbajtësi i Llogarisë: Anduena Qemal Qefalia
Nr. i Llogarisë: 00001500343
IBAN: AL25 2121 1401 0000 0000 0150 0343
SËIFT: CDISALTRXXX
Me mirënjohje të thellë,
Anduena Qefalia”.
Ajo renditet e 29-ta në listën e Tiranës.
