Pasi ditët pranverore të shkurtit përfunduan mëngjesi i sotëm na gjeti me reshje dëbore në disa zona.
Kukësi është mbuluar nga bora dhe rrugët e saj janë pjesërisht të kalueshme, disa prej tyre me zinxhirë. Rrugët nacionale janë të kalueshme normalisht, ndërsa lartësia e borës në Valbonë është 50 cm, Shishtavec 10 cm, Qafë-Shllak 30 cm dhe Qafë Prush 20 cm.
Rrugët rurale në administrim të bashkive janë të qarkullueshme pjesërisht me zinxhirë, përveç rrugës që lidh njësinë administrative Arrën me rrugën nacionale.
