E konfirmuar tashmë, kjo është prezantuesja e re e “Portokallisë”

128

Pas largimit të Eneda Tarifës, mësohet se Fjoralba Ponari do të jetë drejtuesja e re e “Portokallisë”.

- PUBLICITET -

Lajmin e ka dhënë vetë moderatorja në programin “E diell” duke u shprehur se nuk e kishte menduar kurrë një gjë të tillë, por është bindur nga bordi drejtues.

“Sapo më është besuar, e them me bindje, projekti më sfidues në televizionin e Top Channel. Bëhet fjalë për Portokallinë. Për hir të së vërtetës ka qenë një nga ato projekte që nuk e kam menduar veten kurrë që do të bëhesha pjesë e aq më tepër që do e moderoja. Për një arsye të thjeshtë, sepse kam menduar historikisht se aty do të ishte dikush që kishte një background që i përket aktrimit.

Megjithatë po të shihni historikun e moderatorëve, nuk kanë qenë aktore të gjitha apo aktorë të gjithë ata që e kanë moderuar. Por me aq sa më tha dhe bordi drejtues e rëndësishme është që të kesh të dhëna të mira dhe të jesh bashkëpunues dhe çdo gjë tjetër zgjidhet. A do të zgjidhet? Mbetet për t’u parë”, tha Ponari.

- PUBLICITET -