Gazetari Alban Dudushi u shpreh se opozita kishte mundësi që bombat të cilat i plasi në rrugë, t’i plaste në Kuvend. Dudushi tha se pas 25 prillit gjërat do të kthehen në normalitet, sepse këto dy vite kanë qenë në situatë anormale në politikë.
“Pas 25 prillit gjërat do të kthehen në normalitet, sepse këto dy vite kemi qenë në një situatë anormale. Opozita braktisi institucionet dhe fushatën e zgjedhjeve vendore dhe bashkisë. Hoqi dorë nga institucionet.
Mund të diskutojmë nëse Rama është diktator apo jo. Opozita kishte mundësi që bombat të cilat i plasi në rrugë, t’i plaste në Kuvend. Gjithë ky rrugëtim i opozitës përfundoi kur u ul për të bërë reformën zgjedhore”, tha Dudushi për Ora News.