Serbia ftesë qytetarëve nga Kosova që të aplikojnë për vaksinimin kundër COVID-19

93

Qytetarët e Kosovës janë ftuar që të aplikojnë në Serbi për t’u vaksinuar kundër COVID-19.

- PUBLICITET -

Përmes një njoftimi për media, zyra për Kosovën në Qeverinë e Serbisë ka thënë se aplikimi duhet të bëhet në institucionet shëndetësore në vendet ku jetojnë.
Imunizimi do të bëhet për qytetarët nga Kosova në tri qytete të Serbisë. Ata nga komunat e Veriut në Rashkë, ndërsa ata nga pjesët tjera në Kurshumli dhe Bujanoc.

Kujtojmë se, Serbia është vendi lider në rajon sa i përket numrit të vaksinimit.
Serbia është në Top 10 e botës pasi qeveria e Beogradit është përpjekur të marrë vaksina nga të gjithë ofruesit. Prandaj në Serbi janë në dispozicion prej disa javësh jo vetëm vaksinat e Pfizer/Biontech, por edhe vaksina ruse “Sputnik V” dhe vaksina kineze Sinopharm.
Po ashtu ndryshe nga shumë vende të tjera, qytetarët e Serbisë mund të zgjedhin se çfarë vaksine dëshirojnë të bëjnë.
Top Channel

- PUBLICITET -