Një ngjarje e rëndë u regjistrua mesditën e të mërkurës në fshatin Bungaj të Mirditës.
Një 60-vjeçar, i quajtur Mhill Gega përplasi me automjetin e tij një 68-vjeçar, i cili për pasojë ndërroi jetë. Në lidhje me ngjarjen ka folur edhe vetë autori Gega, pasi Gjyata e Lezhës dha masën e sigurisë “arrest me burg”.
60-vjeçari ka shfaqur pendesë për krimin e kryer në sallën e gjyqit, duke deklaruar se gjithçka ka ndodhur në gjaknxehtësi e sipër.
Ne gjakxehtësi e siper kam marrë makinen dhe e kam goditur. Nuk desha ta kryej këtë krim, por gjithçka ishte e momentit. Më ka dalë para makinës, mundova të frenoj, por makina më rrëshqiti nga akulli. Është e vërtetë që kemi pasur konflikt por i kishim zgjidhur, nuk kisha qëllim ta aksidentoja.