Këshilltari për Çështjet e Emergjencave Civile, Shemsi Prençi ka dhënë dorëheqjen nga ky post ditën e sotme. Lajmin e ka bërë të ditur vetë presidenti i Republikës, zoti Ilir Meta.
Midis të tjerash., Meta falenderon Premçin për këshillat e vlefshme, përkushtimin, korrektësinë, profesionalizimin dhe ndjenjat atdhetare të dëshmuara gjatë bashkëpunimit tonë të frytshëm për gati dy vite.
REAGIMI I METËS
Këshilltari për Çështjet e Emergjencave Civile, z.Shemsi Prençi, pasi më informoi si çdo ditë, për situatën e përmbytjeve në mbarë vendin dhe gjendjen e banorëve në zonat e bllokuara nga dëbora, më njoftoi sot dorëheqjen e tij nga kjo detyrë, për shkak të angazhimeve të tij të reja në të ardhmen.
E falenderova për këshillat e vlefshme, përkushtimin, korrektësinë, profesionalizimin dhe ndjenjat atdhetare të dëshmuara prej tij gjatë bashkëpunimit tonë të frytshëm për gati dy vite.
Duke e pranuar dorëheqjen e z.Prençi, i urova suksese për të ardhmen. ??
Shemsi Prençi ka dhënë dorëheqjen si Këshilltar i Presidentit për Emergjencat Civile pasi do kandidojë në zgjedhjet parlamentare të 25 prillit nën siglën e LSI në zonën e Durrësit.
