E pazakontë! Nëna ngel shtatzënë me vajzë ndërkohë që ishte në pritje të djalit

233

Një nënë ka mbetur shtatzënë dy herë me një diferencë kohe prej tre javësh. Ky është një fenomen i rrallë ku shkenca e quan atë superfetacion. Të dy fëmijët quhen binjakë pavarësisht kohës së ngjizjes apo madhësie.

39-vjeçarja e quajtur Rebecca Roberts u habit kur zbuloi se ajo kishte ngelur shtatzënë për herë të dytë brenda 1 muaji.

“Unë as nuk e dija që ishte e mundur të mbetesha përsëri shtatzënë”, u shpreh ajo.

Fëmijët erdhën në jetë para kohe përmes një ndërhyrje cezariane për shkak të një problemi që vajza pati. Djali i quajtur Noah ishte dy kilogramë ndërsa vajza e quajtur Rosalie ishte vetëm 1.1 kilogramë e cila shkoi në shtëpinë e saj 2 muaj e gjysmë pas ardhjes në jetë.

Superfetacioni ndodh kur një vezë tjetër fekondohet nga spermatozoidi dhe mbillet në mitër ditë ose javë më vonë se e para. /tvklan.al