Një aksident i rëndë ndodhi pasditen e kësaj të premte në aksin Koplik-Shkodër.
Një punonjës policie ka përplasur për vdekje me makinë një 50-vjeçar i cili po udhëtonte me biçikletë. Aksidenti ndodhi në afërsi të fshatit Shtoj i Ri ndërsa viktimë mësohet se ka mbetur 50-vjeçari Agim Shkambaj.
Ky i fundit u dërgua fillimisht në spitalin rajonal të Shkodrës por fatkeqësisht nuk ka mundur t’i mbijetojë plagëve të marra.
Policia mbërriti në vendngjarje dhe ka arrestuar menjëherë efektivin Gjergj Gjeloshi i cili shkaktoi aksidentin. Aksidentet në Shkodër vijojnë të jetë një problem për shkak të numrit të lartë duke patur shpesh herë edhe viktima.
