Katër metra ka shkuar trashësia e dëborës në veri të vendit. Një banor në Qafë Thore, i cili ishte izoluar është shpëtuar nga FNSH, që i shkoi në ndihmë.
Drejtuesi politik i PS-së në qarkun e Shkodrës, Ilir Beqja ka publikuar në Facebook pamjet e momentit kur FNSH-ja së bashku me banorët e zonës shpëtojnë Pjetër Lulashin.
“Falë ndërhyrjes së disa banorëve të zonës, të punonjësve të FNSH-së dhe AZM-së Shkodër, Pjetër Lulashi ka dalë nga izolimi.
Te Buni i Bajraktarit në Qafë Thore ku trashësia e borës është mbi 4 metra” shkruan Beqja. Prej disa ditësh i gjithë vendi është përfshirë nga një mot i keq me dëborë në zonat malore dhe reshje shiu në zona e ulëta duke sjellë përmbytje nga jugu në veri të vendit.
/Abcnews.al
