Një automjet është përfshirë nga flakët ditën e sotme në aksin rrugor Kavajë- Plepa.
Mjeti tip Ford me targa AA 357 PL gjatë kohës që ka qenë duke ecur papritur është përfshirë nga flakët.
Drejtuesi i mjetit ka dalë menjëherë sapo ka vërejtur tymin por makina është djegur plotësisht në pak sekonda. Ndërkohë dyshimet e para lidhen me një shkëndijë elektrike pasi autojmjeti ka qenë në lëvizje.
Sakaq policia dhe shërbimet e zjarrfikëses së Kavajës ndodhen në vendngjarje për shuarjen e flakëve dhe zbardhjes së djegies së automjetit.