Kryeministri Edi Rama, ka bërë një rrëfim për Blendi Fevziun, ku pak muaj para zgjedhjeve, u shpjegoi mbarë shqiptarëve, se sa i ndershëm është dhe sa inat i ka paratë.
Në këtë intervistë-rrëfim, më shumë një përpjekje për shpërlarje, në vitin e fundit të pushtetit, Rama fillimisht e shëtiti Fevziun në disa metra katrorë, mes objekteve që mban në zyrë.
Më pas, ai u shpall një anti-komunist radikal të cilin PD-ja nuk e meritonte dhe rreth fundit të rrëfimit, Rama shpjegoi varfërinë ku ka jetuar, shtëpitë me qira ku rrinte dhe pastaj shfaqjen e Linda Ramës, që e bëri me shtëpi në formë vile, të ndërtuar mbi një tokë që e kishte që prej viteve 2000.
Kam patur fatin të mos i ndrydh pasionet për shkak pamundësie, sepse i kam patur mundësitë t’i ushtroj. Jam i dhënë pas artit, librave, shqip-shkrimit, kësaj pune, këto nuk kërkojnë asgjë përtej mundësive që unë kam.
