Shpesh kemi dëgjuar emra të kuzhinerëve shqiptarë që kanë shkëlqyer në këtë profesion, edhe jashtë vendit.
Një prej tyre, është edhe Ravajol Hasani, i cili është shef kuzhine në Qipro i vlerësuar me një seri çmimesh ndërkombëtare dhe që ka gatuar për shumë figura publike, përfshirë këtu edhe Rihannën.
Por si arriti ky djalë që nga Memaliaj të bëhej masterchef? Lexoni historinë e tij të rrëfyer për abcnews.al.
Ravajol Hasani ka emigruar në vitin 1992 në Greqi, së bashku me familjen e tij, kur ishte vetëm 4 vjeç. Kujtimet e tij të fëmijërisë në Shqipëri, nuk i ka të ngulitura në mendje, por ato në Athinë i mban mend mirë, sepse nuk kanë qenë aq të bukura.
Si çdo familje shqiptare që ka emigruar në atë kohë, edhe familja e tij kaloi vështirësi të mëdha, së pari për të mbijetuar e më pas për të jetuar.