Një drejtues i një kompanie me bazë në Manchester iu ka dhuruar 74 punonjësve të tij një total prej 1 miliard paundësh në aksione. 48-vjeçari Matt Moulding, themelues i “The Hut Group”, tha se rreth 43o vetë nga stafi janë shpërblyer gjatë 10 viteve të fundit.
Duke folur për “Mirror” Moulding tha: “Ne kemi bërë më shumë milionerë se çdo kompani tjetër në historinë e korporatave britanike. Janë 100 përqind të dhuruara, askush nuk është dashur të paguajë asgjë. Ne kemi ndryshuar vërtetë kaq shumë jetë.”
Numri i punëtorëve që do të përfitojnë do të rritet, pasi Moulding tha se planifikon t’u japë më shumë aksione atyre që punojnë për të, me 175 milion £ të rezervuara për t’u shpërndarë. 25 përqind e aksioneve të manjatit thuhet se vlen 1.6 miliardë paund, ndërsa pagën e tij e dhuron për bamirësi.
