Shërbimi Meteorologjik Ushtarak ka bërë parashikimin e motit për 5 ditët e ardhshme, duke filluar qe sot pra nga e marta deri të shtunën.

 

Keshtu sipas ketij vleresimi moti parashikohet kryesisht i kthjellët e me vranësira të pakta kalimtare.

 

Era do të fryjë nga veriperëndimi me shpejtësi mesatare 1-6m/sek, e cila hera-herës në mesditë përgjatë vijës bregdetare fiton shpejtësi deri në 10m/sek.

 

Megjithate mos harroni se mëngjeset do të jenë të ftohta, ndërsa orët me diell do të bëjnë që në mesditë temperaturat të pësojnë rritje.