Ditën e djeshme në Shkodër një qytetar ka goditur brutalisht një punonjës policie. Qytetari është I. Shtegu, ndërsa punonjësi i policisë është H. Idrizi. Ngjarja ka ndodhur në qendër të qytetit në lagjen “Parrucë” pasdite.
I. Shtegu ka parkuar kundravajtje me një mjet triçikël duke e vendosur në një parkim dysh. Në këtë moment polici i ka vendosur gjobë.
Shtegu ka debatuar me efektivin e policisë, dhe në debat e sipër e ka goditur me grushta në fytyrë. Efektivi i policisë është dërguar në spitalin rajonal të Shkodrës, ndërsa mësohet se ka thyer nofullën.
Policia vijon kërkimet për të arrestuar Indrit Shtegun. Ai akuzohet për veprën penale: “Goditje për shkak të detyrës ndaj punonjësit të policisë” si dhe “Kundërshtim me forcë i punonjësit të policisë”.
Familjarët e Shtegut theksuan se ai ka probleme të shëndetit mendor, megjithate kjo mbetet për t’u verifikuar.