Ofendoi Ramën në Parlament, shoqërohet në komisariat gruaja

151

Pas miratimit të ndryshimeve në Kodin Zgjedhor, Edi Rama ka dhënë një deklaratë për mediat.

Por teksa ai shpjegonte çfarë kishte ndodhur në Kuvend, pak metra më larg dëgjohej zëri i një gruaje që thërriste me të madhe:

O hajdut, Rama ik! Rama ik! Hajdut! Thirrjet u dëgjuan për disa sekonda, por Rama nuk i kushtoi rëndësi, ndërsa ndërhyri menjëherë garda për ta larguar nga ambientet jashtë Kuvendit.

Sipas Dosja.al bëhet fjalë për Violeta Gecajn, e cila pretendon se është shoqëruar nga Policia e Shtetit për në komisariatin nr.1. Gecaj pretendon se ndaj saj është ‘vënë dorë’ nga efektivët për thirrjet kundër Ramës.

Ajo tha:

Dua të bëj kallëzim për policët sepse më dhunuan por nuk ma pranojnë. Më shoqëruan në komisariatin nr.1 sepse thashë Rama ik.