Tre të rinj nga Britania janë në karantinë në Itali, pasi u testuan për koronavirus për herë të shtatë.

Rhys James, 23 vjeç, Quinn Paczesny, 20 vjeç dhe Will Castle, 22 vjeç, po mësonin anglisht në Firence kur filluan të merrnin simptomat e para të COVID.

Ata janë në izolim që nga 17 gushti.

Nëse ata duan të shkojnë në shtëpi, përsëri në Britani, mjekët u thanë atyre se duhet të kishin dy teste negative brenda 24 orësh.

Askush prej tyre nuk ka pasur ndonjë simptomë që nga 19 gushti, dhe një mjek specialist u tha atyre se ata ndoshta nuk mund ta transmetojnë virusin te të tjerët.

Për shkak të gjithë kësaj situate, ata mbetën në Itali dhe, siç pretendojnë, janë të hutuar se pse po mbahen të burgosur kundër vullnetit të tyre.

“Organizata Botërore e Shëndetësisë thotë se ne mund të lëmë vetë-izolimin pas 10 ditësh. Ne e dimë që Mbretëria e Bashkuar pajtohet me këtë vendim, por Italia ende nuk po e zbaton atë,” tha Rhys.

“Ne nuk e dimë pse ambasada jonë ose Ministria e Jashtme nuk po bën diçka që të jetë në gjendje të kthehet në shtëpi, e jo të ndalohet.”

Të rinjtë janë skeptikë kur bëhet fjalë për saktësinë e testeve që ata bënë dhe ata shtojnë se mosbesimi i tyre është më i madh kur mësuan se kishte një kolaps të sistemit të përdorur nga Italia.

Ata tani po përpiqen të bëjnë testin në një nga laboratorët privatë.

“Ne duam që të gjithë të marrin rezultate negative të testit, por jemi të shqetësuar se do të jemi negativë në kohë të ndryshme. Do të ishte lehtësim nëse do të kisha të njëjtin rezultat si dy miqtë e mi, por kam frikë se të gjithë jemi akoma positive.

Ne njohim disa britanikë që kanë qenë në një situatë të ngjashme. Ata u testuan në institucione private në Itali dhe kishin një rezultat pozitiv gjatë gjithë kohës, derisa bënë një provë në një institucion privat kur ishin negativë dhe vetëm atëherë mund të fluturonin për në Londër,” tha Rhys.