Këngëtarja Fjolla Morina u kap në Morinë të Kukësit me 2 pistoleta dhe fishekë në makinën e saj dhe për këtë arsye po vuan dënimin “arrest shtëpie”.
Ditën e sotme ajo iu rikthye postimeve në rrjetet sociale, ku sqaroi publikun se nuk kishte asnjë lidhje me biznesmenin Fisnik Syla duke hedhur poshtë aludimet se makinën luksoze Audi Q7 mund t’ia kishte blerë ai.
Në mbrojtje të deklaratës së saj ka dalë dhe ish deputeti i Kuvendit të Kosovës dhe këngëtari Labinot Tahiri, i cili u ka kërkuar qytetarëve të mos e paragjykojnë Fjolla Morinën.
“E përkrah këtë shkrim të një vajze, nënë e njeriu që punon për t’i rritur fëmijët e saj, që kush si ajo s’i do! Pa qenë nën lëkurën e dikujt, nuk bën të paragjykoni. Fjolla Zotin ke afër vetes gjithmonë sepse ke fëmijët. E për fjalët dhe për ne mos e lodh veten”, shkruan ai.
