Kryetari i Partisë Demokratike Lulzim Basha, përmes një postimi në twitter, ka reaguar në lidhje me deklaratat e Ramës se do të krijohet skema e punësimit për të gjithë ata që kanë humbur vendin e punës si pasojë e pandemisë.
Rama gjithashtu u shpreh se në javët në vijim do të paraqitet dhe skema e rritjes së pagave për mësuesit dhe mjekët. Kryedemokrati ka ironizuar me deklaratat e kryeministrit duke pohuar se “sikur të ishin bërë realitet ato që thotë ky, Shqipëria nuk do të ishte në këtë gjendje sot”.
“Sikur të ishin bërë realitet ato që thotë ky, Shqipëria nuk do të ishte në këtë gjendje sot. Por pas 7 vitesh premtimesh të pambajtura, a ka njeri që ja vë më veshin këtij?” shkruan Basha në Twitter.
