Ditën e sotme ish-kryeministri Sali Berisha ka publikuar një video nga inspektimet e kryeministrit Edi Rama në zonat e rindërtimit. Pamjet janë marrë nga ato që vetë Rama publikon në profilin e tij në Facebook dhe shfaqet një moment, kur një banore e zonës, që falënderon kryeministrin për ndërtimet që po bën.
Më tej, ajo i thekson Ramës që banorët nuk kanë ujë.
“Bravo, bravo me këto ndërtimet, por vetëm uji na mungon“, shprehet zonja. Ndërsa kryeministit i përgjigjet: “Po punojmë me ujin, jemi duke punuar për të gjitha me bashkitë”.
Ndërkohë për këtë video Sali Berisha shkruan: “Nga seriali: Ne çdo premtim nje mashtrim! Ndiqeni videon e meposhtme.”