Aktori i famshëm Haldun Boysan, i njohur për rolin e tij në serialin “Lugina e Ujqërve”, ka humbur jetën tragjikisht si pasojë e një sulmi në zemër gjatë xhirimeve të serialit “Maria dhe Mustafa”.
Siç mësohet nga mediat turke, Haldun Boysan, ose, siç e njihnin të gjithë me emrin ‘Tombalacı’, humbi jetën në hotelin ku po qëndronte në Ürgüp, Nevşehir.
Sipas raportimeve të para, mësohet se aktori nuk i ishte përgjigjur grupit që priste të vijonte xhirimet. Pasi shkuan në hotelin ku po qëndronte, disa kolegë të stafit që nuk arritën të komunikonin me Boysan, hynë në dhomën e hotelit dhe gjetën aktorin në gjendje të rëndë. Ekipi mjekësor që erdhi në hotel e dërgoi menjëherë aktorin në spital, por përpjekjet ishin të kota.
Lindur në Ankara, më 6 korrik 1958, Boysan u diplomua në Kolegjin TED, Ankara, dhe Universitetin e Ankarasë, Fakulteti i Histori-Gjeografisë, Departamenti i Teatrit.
Boysan punoi në Teatrin e Ankarasë dhe Teatrin e Stambollit. Duke dubluar në anglisht dhe turqisht, fitoi çmimin e aktorit më të mirë mbështetës në Festivalin e 11-të të Filmit në Ankara, në 1999, për interpretimin në filmin “Gemide”.
Pas vdekjes së Boysan, me dhjetëra kolegë e miq kanë shprehur ngushëllimet për humbjen e parakohshme.