Urágani Laura ka goditur bregdetin e Luizianës, me erëra ekstrème duke shkaktuar pèrmbytje në shtetin amerikan, njofton Qendra Kombëtare e Hurricane (NHC). Urágani i kategorisë së katërt pritet të shkaktojë një stuhi të madhe ndërsa lëviz në tokë me shpejtësi të erës deri në 150 milje/orë (240km/orë).
Urágani Laura që pritet të godasë Teksasin dhe Luizianën ka ngjallur panik tek banorët e këtyre zonave. Ambasadorja shqiptare në ShBA, Floreta Luli Faber ka bërë një postim në Facebook ku shpreh shqetësimin e saj për këtë fenomen dhe thotë se ka një numër restorantesh shqiptare dhe mbi 20 familje shqiptare.
Reagimi i plotë: Me shqetësim të madh kam ndjekur lajmet mbi #UráganinLaura që pritet të godasë pa më.shirë sonte një pjesë të Luizianës dhe Teksasit. Orët e fundit isha në kontakt me Konsullin e Nderit në Luisiana dhe Presidenten e Arberia Houston. Pranvera më informoi se ka një numër restorantesh shqiptare në Beaumont dhe mbi 20 familje shqiptare që jetojnë në mes Liqenit Charles,
Luiziana dhe Beaumont, Teksas. Në të gjithë këtë zonë evakuimi ishte i detyruar. Pikërisht në zonën e Liqenit Charles, parashikohet që Urágani të sjellë një valë uji në lartësinë deri në 5-6 metra, në një sipërfaqe deri në 50 kilometra në brendësi të zonave të banuara. Ndoshta, një pjesë nga këto zona mund të përmb.yten përgjithmonë.
Në vitin 2018 kam udhëtuar nga Biloxi në Alabama në New Orlins në Luiziana, në drejtim të Houston, Teksas. Kam bërë një udhëtim rreth dy orë përgjatë Autostrades I-10, paralel me bregun në Golfin e Meksikës dhe kam vizituar zonat e prekura nga #UráganiKatrina i cili ndodhi pikërisht 15 vite më parë.
Kushdo që jeton apo ka vizituar këtë pjesë të Jugut të Amerikës e ka një ide se çfarë pritet të shkaktojë #UraganiLaura. Por një shpjegim skematik për të kuptuar situatën e paprecedent të stu.hisë që pritet të go.dasë sonte, e paraqet kjo video shpjeguese e The Weather Channel
Sonte jemi më mendje e zemër pranë të gjithë atyre që pritet të preken nga kjo fatke.qësi e rënde natyrore!
