Lezan Doda është babai i Enisa Dodës, 17-vjeçares që u mbyt në plazhin e Velipojës. Në një postim në rretjet sociale i ati shfaqet tejet i trishtuar dhe shprehet se Enisa do të jetë gjithmonë në zemrën e tij.
“U prehsh ne paqe zemra e babit zoti te mori shpejt fizikisht por jo shpirterisht. Qofsh e xhenetit”, shkruan babai i saj,cili ka publikuar edhe një foto ku shfaqet fjongoja e zezë. Ndërkohë familja ka hapur dyert e mortit.
Ngjarja e rëndë u raportua ditën e djeshme, kur trupi i Enisa Doda u gjet nga peshkatarët në një largësi 700-800m nga bregu. Në lidhje me këtë ngjarje, policia ka rrestuar 25-vjeçarin Indrit Bajraktari. Ky i fundit nuk e ka ndihmuar adoleshenten, duke e lënë të mbytej. Gjithashtu ai gënjeu pronarët e motorit të ujit,
duke u thënë se e kishte nxjerrë vajzën në breg. Përpara uniformave blu ai u shpreh se vajza kishte rrëshqitur nga motori i ujit, ndërsa nuk e mban mend mirë se çfarë ka ndodhur./dosja