Kryeministri Edi Rama ka bërë me dije se qeveria po punon për një paketë ligjore që do të heqë tatimfitimin nga të gjitha bizneset e vogla që e kanë xhiron nën 14 milionë lekë të rinj.
I ftuar në emisionin “Opinion”, Kreu i Qeverisë tha se kjo gjë do të bëhet deri në vitin 2029, duke shtuar se se kjo nismë do të jetë pjesë e një plani më të madh që do të prezantohet me vonë në qershor, i cili do të titullohet “Shqipëria 2030”.
Teksa fliste, kryeministri Rama tha se kjo periudhë 10-vjeçare mund të merret edhe si synimi i tij për të qëndruar në pushtet edhe 10 vitet e ardhshme.
“Ne do të heqim tatimfitimin deri në vitin 2029. Këtë se ka asnjë vend në planet. do ta bëjmë tani dhe kjo do të jetë pjesa e planit ‘Shqipëria 2030’ dhe jemi në finalizim të analizës. Dhe mos më kërkoni datë. Por heqjen e tatim fitimit do ta bëjmë tani. Do të shkojmë për një buxhet të ri në Parlament. Ne do të heqim tatimfitimin deri në vitin 2029. Këtë se ka asnjë vend në planet.
Deri në 2029 e kemi para shikuar ne sepse deri atëherë mbajmë përgjegjësi për ato që themi. Me tej pastaj si dihet. Sot qeveria jonë ka detyrimin të shpallë një vision për dhjetë vjeçarin e ri, deri në vitin 2030.
shumë shpejt do ta ligjërojmë që biznesit të vogël të çdo shqiptari që punon dhe krijon punë deri në 140 mln lekë të vjetër, do t’i heqim të gjitha taksat deri në vitin 2029. Biznesi i vogël në Shqipëri është ai biznes që ka deri në 140 mijë dollarë xhiro në vit. Shumë shpejt do ta ndajmë nëse do ta heqim TVSH-në komplet. Kjo është e rëndësishme,”- tha Kryeministri Rama.
