Me libër në dorë/ Policia “i vërsulet” të riut, e shtrijnë në tokë dhe e shoqërojnë me forcë, fotot nga protesta

138

Shembja e Teatrit Kombëtar solli dje përplasje mes policisë dhe qytetarëve, të cilët kundërshtuan prishjen e kësaj godine.

 

Ishin të shumtë në numër personat që u shoqëruan në polici, midis tyre edhe politikanë. Në fotot e mëposhtme shfaqen momentet teksa policia shoqëron me forcë një qytetar. Ky i fundit shfaqet i shtrirë në tokë dhe me libër në dorë. Efektivët e Policisë e kapin me forcë nga këmbët dhe duart të riun.

 

Gjatë orëve të para të mengjesit të djeshëm u shemb godina e Teatrit Kombëtar. Dje nuk munguan përplasjet e njëpasnjëshmeme policisë dhe protestueve. Në Polici u shoqëruan Gazment Bardhi, Edi Paloka, aktori Neritan Liçaj, Monika Kryemadhi, Robert Budina, Titi Seranaj, Silva Caka, Alfred Lela dhe dhjetëra qytetarë.

 

Basha ka paralajmëruar për aksion opozitar, ndërsa Kryemadhi iu bëri thirrje shqiptarëve që braktisin gjendjen e fatkeqësisë natyrore. Ndërkohë, ditën e sotme në orën 16:30 do të zhvillohet një protestë nga Aleanca për Mbrojtjen e Teatrit Kombëtar, në të cilën do të marrë pjesë edhe opozita.