E vërteta që fshihet pas filmit turk që po bën namin, ja ç’kuptim ka ‘Lingo, lingo’

Edhe pse në kinematë turke u publikua tetorin e vitit të kaluar, filmi “Mrekullia në qelinë numër 7” suksesin po e përjeton tani. Ai është renditur si një nga filmat më të ndjekur në Netflix gjatë kësaj periudhe pandemie, kur të gjithë janë mbyllur në shtëpi.

Filmi flet për historinë e një babai të sëmurë mendor dhe vajzës së tij. Historia e tyre ka përlotur botën dhe shprehja “Lingo, lingo” është bërë shumë e famshme.

Por çfarë do të thotë “Lingo, lingo”?

“Në film, Ova dhe Memo kanë një traditë të thërrasin “Lingo, lingo” dhe tjetri i përgjigjet “Shishe”. Këto dy fjalë janë huazuar nga një këngë tradicionale turke ku përdoret shpesh: “Lingo, Lingo, Shisheler”. Fjala “shisheler” përkthehet në “shishe”, ndërsa shprehja “lingo lingo” nuk do të thotë asgjë në turqisht, por është thjesht një fjalë plotësuese e këngëve, e ngjashme si “la la la”.

E vërteta mbi filmin qëndron se ai nuk është bazuar në një histori të vërtetë. Ky film është ribërje e filmit korean me të njëjtin emër. Filmi korean pati gjithashtu shumë sukses dhe u publikua në vitin 2013.

Pas suksesit të filmit, aktori kryesor Aras Bulut Iynemli reagoi i emocionuar që filmi po shihet anë e mbanë botës.

“Udhëtimi i “Mrekullia në qelinë numër 7″ nisi me dashuri. Ne e donim shumë historinë tonë. Filmi ynë vazhdon të krijojë mrekulli. Po e shohin njerëz anë e mbanë botës në këto ditë të vështira. Le të mbështetemi tek njëri-tjetri me dashuri. Faleminderit për interesimin tuaj. Kujdesuni për veten”, shkruajti aktori.

Shperndaje ketë postim:

spot_imgspot_img

- PUBLICITET -

Aktualitet

Te tjera
LAJME

Kalaja e Shkodrës, më shumë vizitorë se Butrinti

Viti i fundit rezultoi të jetë një periudhë shumë...

Dy shenjat e horoskopit që do t’i kthejnë gjërat ashtu siç duan ata

Me Hënën te Peshqit dita fillon e qetë dhe...