Anxhela Peristeri dhe Klajdi Haruni janë dy nga këngëtarët më të preferuar të publikut shqiptar. Miqësia e tyre është e hershme që kur ishin shumë të vegjël në shkollën fillore.
Gjatë një interviste në lidhje të drejtëpërdrejtë në Ftesë në 5, prindërit e Klajdit kanë zbuluar lidhjen mes Anxhelës dhe Klajdit.
I ati i Klajdit tha se në Korçë, kur ata ishin të rinj kalonim shumë kohë bashkë dhe flisnin gjatë në telefon. Ai tha se një herë fatura e telefonit i kishte shkuar Klajdit 320 mijë lekë.
“Të kujtohet Anxhela…Një muaj na erdhi telefoni 320 mijë lekë, i thashë nënës së Anxhelës: Telefonin e paguaj unë, ata le të bëjnë dashuri sa të duan në telefon. Asokohe ashtu bëhej dashuria nga telefoni”,-tregoi babai i Klajdit.
Pas këtyre fjalëve, Anxhela u vu në siklet dhe tha se ajo nuk mban mend shumë gjëra, pasi ishte e vogël. Këngëtarja sbtoi se Klajdi i thurte poezi dhe ja recitonte nga telefoni.
“Kemi qenë shumë të vegjël, ishim në shkollë bashkë. Klajdi s’po i tregoj të gjitha. Zakonisht flisnim shumë në telefon. Klajdi më shkruante poezi, më merrte në telefon dhe m’i recitonte. Prandaj i shkonte telefoni aq shumë. Nuk i kujtoj dot tani se ishim vërtet shumë të vegjël”,- u shpreh këngëtarja.
