Një meteor ka kaluar ditën e sotme mbi qiellin kroat. Meteori shpërtheu pasi hyri në atmosferë, duke lënë gjurmë tymi pas. Siç shihet dhe në videon e bërë virale në rrjet, meteori “sulet” drejt Tokës me shpejtësi të madhe, por sapo hyn në atmosferë, ai digjet.
Videoja është filmuar në Istria të Kroacisë, paraditen e sotme, rreth orës 10:30. Mediat kroate raportojnë se në disa qytete është ndjerë një zhurmë e fortë dhe ka raportime se ky moment u shoqërua me dridhje të forta.
Fillimisht u mendua se ishte tërmet, por më pas u shpërndanë pamjet e kapura nga qytetarë të ndryshëm, që tregonin shpërthimin e meteorit.
Madje edhe EMSC njoftoi në aplikacionin e saj se në Kroaci mund të ketë pasur lëkundje tërmeti. Instituti Sizmologjik në Kroaci sqaroi se nuk ishte një tërmet, por tronditja e lehtë ndodhi për shkak të futjes në atmosferë të një meteori. Deri më tani nuk ka raportimet për dëmtime apo persona të lënduar.
Video: