“Tallesh me vuajtjet e të tjerëve”/ Kejsi “nuk përmbahet” dhe i kthehet keq Roza Latit

485

Në emisionin “Why Not”, Roza Lati ka inskenuar një skeç së bashku me Stresin. “Si ta bëjmë mizën balenë” titullohet skeçi në fjalë, ku reperi dhe moderatorja kanë rikrijuar skenën e arrestimit të disa kohëve më parë të Stresit, i cili në atë moment ndodhej në një dhomë hoteli, me një vajzë e cila nuk ishte e fejuara e tij.

 

Pikërisht kjo arsye e çoi atë drejt ndarjen me Kejsin, me të cilën kishte plane serioze për martesë. Qëllimi i Rozës, përveçse të rriste audiencën e saj, ka qënë edhe të jepte një mesazh sensiblizues ndaj publikut që të mos besojnë gjithçka që lexojnë në media, të cilat shpesh e zmadhojnë të vërtetën.

 

Por ajo që ka përfunduar duke marrë një leksion morali ka qënë vetë Roza, pikërisht nga ish e fejuara e Stresit, Kejsi të cilës nuk i ka pëlqyer aspak skeçi dhe mënyra se si ajo e ka realizuar emisionin.

 

Në një postim në instagram, Kejsi i ka vënë në pikëpyetje aftësitë prej moderatoreje të Rozës dhe e ka cilësuar atë si një person pa ide, që kërkon të tërheqë me çdo kusht vëmendje duke u tallur me vuajtjet e të tjerëve.