Po bën xhiron e mediave kosovare foto e një vajze e cila ka bërë tatuazh në krahë fytyrën e presidentit Hashim Thaçi. Adhuruesja e Partisë Demokratike të Kosovës e ka përjetësuar në trupin e saj figurën e presidentit. Vajza që e ka bërë këtë tatuazh nuk është e panjohur për publikun.
Ajo quhet Suzana Tahiri dhe njihet ndryshe si “Shqiponja” pasi në shpinë ka një tjetër tatuazh e që është pikërisht shqiponja dykrenare.
Me anë të një postimi në Facebook, Suzana tregon se tatuazhin ia dedikon presidentit dhe shkruan: “Meqense kjo tatto është bere për të qene surprizë për ditën e pavarsisë dhe presidentin e Kosoves, pasi që e pash se fotoja është publikuar sot, unë deklaroj se ajo tatto më përket mua dhe do ta mbaj deri në fund të jetës,si dhe i’a dedikoj njeriut (figurës së madhe të shtetit) shkelqësia Hashim Thaqi. Priten projektet e reja për ditën e Pavarsis”
Publiku e njohu për herë të parë Suzanën kur u bë pjesë e spektaklit “Shpija e Kosovës”.
Ajo arriti të identifikohej mes shumë banorëve të këtij formati televiziv dhe pas daljes nga shtëpia e izoluar vazhdoi karrierën si modele.
