Vallja e Tropojës është një nga kërcimet më të bukura shqiptare. Ajo njihet për lëvizjet e saja shumë të veçanta plot jetë.
Kjo valle është e lashtë sa vet popullsia e kësaj krahine, e është karakteristike vetëm për këtë zonë në veri të Shqipërisë.
Kjo pasuri e çmuar kombëtare është shpallur nga Ministria e Kulturës dhe Akademia e Shkencave të Shqipërisë, si pjesë e listës së kryeveprave të Trashëgimisë Kulturore jo materiale.
Tashmë që dosja për të garuar në UNESCO është gati, mbetet vetëm që Ministria e Kulturës dhe partnerët e saj të plotësojnë formularin e aplikimit, për ta futur “kcimin” e Tropojës në listën e pasurive kulturore botërore.
Më poshtë po ju sjellim një video të publikuar në Youtube, ku një çift artistik e luan “Vallën e Tropojës” për mrekulli.
