Aktorja Marjana Kondi ka treguar se ende nuk flet me ish-ministren e Kulturës Mirela Kumbaro, pas një incidenti të një viti e gjysmë më parë.
Marjana ka thënë se sa herë ndeshet në rrugë me ish-ministren, kjo e fundit e përshendet, edhe pse aktorja theksoi se ia kishte bërë të qartë Mirela Kumbaros që të mos i fliste më pasi e kishte hequr nga puna.
“Ajo me saluton në rruge edhe pse unë i them mos më fol. Ajo thotë që është për kulture por unë i them mos më fol se më ke hequr nga puna,” u shpreh Marjana Kondi.
Gjatë një diskutimi publik të transmetuar dhe në media, Kumbaro i ngatërroi emrin Marjanës duke e quajtur Marjetë ndërsa aktorja i shtyu dorën dhe e ofendoi. Në atë kohë, kjo përplasje mes tyre erdhi kur Kumbaro e shkarkoi nga puna në Teatër aktoren Marjana Kondi.