“Duhet t’a bëni urgjentisht”, Meta i bën thirrjen e fortë kryeministrit Rama dhe Lulzim Bashës

433

Presidenti Ilir Meta ka reaguar pas raportit të agjencisë prestigjoze ndërkombëtare Fitch për vitin 2019 ku Shqipëria është përkeqësuar në vlerësimin e shkallës së perceptimit të investitorëve, kjo për shkak të klimës politike. Ai i ka bërë thirrje qeverisë dhe opozitës të fillojnë dialogun.

Postimi:

Dua të shpreh shqetësimin për raportin e agjencisë prestigjoze ndërkombëtare Fitch për vitin 2019, sipas së cilës Shqipëria është përkeqësuar në vlerësimin e shkallës së perceptimit të investitorëve, nga niveli 59.8, në 53.5.

Pa u ndalur sot në shqetësimet që kanë të bëjnë me faktorët ekonomikë dhe financiarë, dua të tërheq vëmendjen ndaj aktorëve politikë, që faktori kryesor i këtij përkeqësimi është kriza e rëndë politike në vend.Ndaj duhet urgjentisht vendosja e dialogut politik dhe bashkëpunimit për adresimin e menjëhershëm dhe të besueshëm të kushteve të Bundestagut.

Përndryshe, jo vetëm çelja e negociatave me Bashkimin Europian pamundësohet, por vendi ynë do humbasë më shumë besueshmërinë e investitorëve të huaj seriozë.

Lexo edhe:   SHKODËR, PD THIRRJE QYTETARËVE PËR PROTESTËN