Ka qenë kolegia e saj në Teatrin e Kukullave, aktorja e njohur Shegushe Bebeti që virtualisht me një postim në rrjetin social Facebook ka ndarë me të gjithë lajmin e ndarjes nga jeta të Mira Mingës.
Kush e kujton filmin shqiptar “Përrallë nga e kaluara”, batutat e forta dhe episodet që edhe sot nga shumëkush kujtohen përmendësh nga një prej prodhimeve kinematografike shqiptare emblematike si “Përrallë nga e kaluara”! Kotja, personazhi i gruas ngatërrestare, thashethemaxhije, interpretohej asokohe nga Mira Minga Jupi, e cila u nda nga jeta sot.
Aktorja jetonte prej 19 vitesh në Shtetet e Bashkuara të Amerikës bashkë me familjen e saj, kur është mësuar lajmi i trishtë i largimit nga jeta.
