Ekzistojnë shumë mënyra për të dekoruar një pemë Krishtlindjeje, nga shiritat dhe dritat shumëngjyrëshe deri tek zbukurimet më të çuditshme.
Për një grua australiane, dekori i këtij viti ishte një gjarpër me përmasa gjigande.
Kur Leanne Chapman dhe partneri i saj u kthyen në shtëpinë e tyre në Brisbane, Queensland këtë të enjte, vunë re një detaj të pazakonshëm në ballkonin e tyre.
“Kur u kthyem në shtëpi nga puna, një çift zogjsh që na vizitonin çdo ditë dhe qëndronin në prevazin e ballkonit, po ‘çmendeshin”, tha Chapman për CNN 7News.
Ajo shtoi se partneri i saj filloi të vëzhgonte zogjtë dhe të mbështetej në pemë, duke mos kuptuar se çfarë shtrese mbështillej rreth tij.
Çifti e la gjarpërin gjatë natës atje ku ai ishte vendosur dhe të nesërmen nuk e gjeti më.
‘Kjo gjë nuk na frikësoi. Ai thjesht qëndroi atje për disa orë të mira ndërsa ne e vëzhgonim përmes dritares’, tha Chapman.
Vetëm kur zvarraniku u zhvendos nga pozicioni i tij, çifti kuptoi se sa gjigandi ishte.
‘Ishte gjigand, me të vërtetë gjigand’, tha Chapman.
‘Pasi u çliruam nga shoku, kuptuam se ai ishte një gjarpër me të vërtetë i bukur. Ishte shumë bukur ta shikoja nga kaq afër sepse kurrë më parë, nuk kam parë diçka të tillë’, shtoi ajo.
