Menduan se bëhej fjalë për një qen të ekipeve të kërkimit që erdhën nga jashtë, por jo. Qeni në foto është Brandi, qeni hero i Policisë shqiptare i cili zbuloi personat e gjallë nën rrënojat e pallatit 6-katësh në Durrës.
Gentian Mullai, zëdhënësi i Drejtorisë së Përgjithshme të Policisë së Shtetit tregon se pasditen e 26 Nëntorit, teksa u ndërprenë punimet me mjetet e rënda dhe u fikën mjetet që punonin nën rrënoja, u përgatit dhe u fut në kërkim qeni policor.
Brandi u fut në një tunel, rreth 4-5 metra, i krijuar nga rrëzimi i objektit. Brandi dha shenjë për praninë e njerëzve nën rrënoja, rreth 2 metra në thellësi.
Qeni hero, Brandi është përdorur për kërkimin e njerëzve të gjallë nën rrënoja edhe në shërbime të tjera më herët në Shkodër e Tiranë.
Burimi: Top Channel