Paralajmërimi për “video me përmbajtje përvëluese”, reagon Rudina Xhunga: U përvëlofshin

252

Gazetarja Rudina Xhunga ka folur sot rreth zhvillimeve të fundit politike në rubrikën “Opinion”, në News24. Pasi para pak ditësh doli kundër banorëve të “Astirit”, të cilët mbronin shtëpitë e tyre nga një projekt korruptiv, Xhunga është shprehur sot se vendi është në një krizë politike dhe se është një krizë personale e politikanëve shqiptarë.

 

Ajo thotë se kjo krizë ka ardhur pikërisht nga Presidenti Meta dhe kryeministri Rama dhe se drejtësia e shqiptarëve nuk është kapur në këtë moment, por prej 30 vitesh.

 

Sipas saj, politikanët e periudhës post-komuniste kanë frikë nga Reforma në Drejtësi, pasi do të bëhen kurbanë të saj.

 

Ajo u shpreh:

Nuk mendoj se Rama, Meta, Berisha nuk do të jenë kurbanë të kësaj reforme, sepse do jenë pikërisht politikanët kurbanë.”
Më tej, gazetarja komentoi dhe paralajmërimin e Presidentit Ilir Meta se do të nxjerrë një video me fakte përvëluese, duke thënë se le të përvëlohen të gjithë politikanët, pasi e rëndësishme është mirëqenia e shqiptarëve.

 

Ajo shtoi:

Po ta përvëlojnë. Ata flasin për video përvëluese, e kërcënojnë njëri-tjetrin, por nuk e japin. Edhe mund të jetë, por nuk më intereson nëse përvëlohen politikanët, u përvëlofshin.”