Me buzeqeshje ne fytyre por me syte qe e tradhetojne nje djale 10-vjecar shqiptar ben thirrje nga kampi Al Hawl ne Siri , ne te cilit shprehet se nuk e mban mend kur ka mberritur.
“Jam 10 vjeç, kam mberritur ketu me babin, por tashmë nuk e di se ku ndodhet ai” , thotë vogëlushi i cili flet mire shqip. Kur gazetari i A2, Jul Kasapi e pyet se kush e ka sjellë në Siri, djaloshi përgjigjet: “Babi im”.
Një grua e moshuar, gjithashtu shqiptare, tregon se vogëlushi ka mbërritur në Siri prej 7 vitesh, pra kur ka qenë vetëm tre vjeç. Ai është vetëm një nga shumë fëmijë shqiptarë që ndodhen në kampin famëkeq ku mbahen gratë dhe fëmijët e luftëtarëve të ISIS. Kampi ku deri para pak ditësh ndodhej edhe Alvin Berisha, i cili fatmirësisht arriti të largohej prej atje.
