Veprimi i 8-vjeçarit i ka bërë të gjithë për vete, i kërkoi nënës ta ndalë veturën që ta ndihmon gruan e moshuar të ngjitet shkallëve

189

Një djalë 8-vjeçar është filmuar duke ndihmuar një grua të moshuar të ngjitet shkallëve në Georgia të SHBA-ve.

 

Riley Duncan ka filmuar këtë moment emocionues, derisa me vëmendje po e shikonte të riun Maurice Adams Jr duke dalur nga vetura e nënës për të ndihmuar gruan e moshuar të ngjitet shkallëve.

 

Duncan e ka postuar këtë video në profilin e tij në Facebook me mbishkrimin: “Falënderojmë Zotin për rininë tonë”.

 

Është interesant se si ky djalosh nuk ishte në dijeni që dikush po e filmonte, megjithatë videoja e tij është bërë virale dhe të gjithë që e kanë parë e kanë duartrokitur për veprimin. Ai në momentin që e ndihmon gruan e moshuar e përqafon, dhe më pas kthehet në veturë ku po e priste nëna e tij.

 

Nëna e vogëlushit, Contricia Hill, ka deklaruar për mediat amerikane se Maurice dhe motra e tij kishin përfunduar mësimin dhe se ajo kishte shkuar t’i merr, kur befasisht rrugës hasën në gruan e moshuar që kishte vështirësi të ngjitet shkallëve.