Ylli i grupit të rokut “Red Hot Chili Peppers”, Flea është martuar me stilisten Melody Ehsani. Dasma e çiftit është mbajtur në fundjavë, por lajmin ata e kanë dhënë në rrjete sociale dje.
Mediat e huaja shkruajnë se dasma e çiftit ishte vjeshtore dhe e veçantë. Megjithatë nga ceremonia janë publikuar vetëm dy foto ku nusja duket shumë elegante me fustanin e bardhë ndërsa Flea i veshur me kostum rozë.
Flea është 57 vjeç ndërsa Melody 39 vjeç.
“Jeta ime ka ndryshuar përgjithmonë dhe unë jam përjetësisht mirënjohës. Personi që më sheh mua të gjithin dhe e di se kush jam. Gruaja ime Melody”, shkroi Flea.
Melody postoi gjithashtu foto nga ceremonia martesore dhe shkroi: “Këtë fundjavë u martova me mikun tim më të mirë. Me siguri, bashkëpunimi im më i mirë deri më tani. Ti je e gjithë zemra ime”.
